Bakı sakini Fərid Rzayev sifariş verdiyi taksiyə əyləşəndə maraqlı mənzərə ilə rastlaşıb.
Bu barədə o, sosial şəbəkə hesabında məlumat paylaşıb.
F.Rzayev qeyd edib ki, o, taksiyə oturanda pəncərədən ətrafa boylanan it görüb. Taksi sürücüsündən itin niyə maşında olmasını soruşduqda isə taksi sürücüsü bildirib: “Müştəri itə hirsləndi və onu bezdirdiyini deyərək küçəyə atmaq istəyirdi. Mən isə qoymadım. İndi onunla bərabərik. İti taleyin ixtiyarına buraxa bilməzdim axı. Valideynlərim Naxçıvandadır, mən isə burada. İt isə evdə tək qalmır”.
Sosial şəbəkə istifadəçiləri taksi sürücüsünün bu addımını təqdir ediblər.