1915-2006-cı illərdə Çili diktatoru olmuş Auqusto Pinoçetin arvadı Lusiya İriart 99 yaşında vəfat edib.
Bu barədə Çilinin “Tercera” qəzeti məlumat yayıb.
Bildirilib ki, son illər ağciyərlərində problemlər yaranan L.İriart yaşadığı mənzilində vəfat edib.
Qeyd edək ki, L.İriart fırıldaqçılıq və büdcə vəsaitlərini mənimsəmədə ittiham olunurdu. O, 1973-cü ildən 2016-cı ilin avqustuna qədər rəhbərlik etdiyi CEMA fonduna dövlət tərəfindən bağışlanan əmlakı qanunsuz satmaqda şübhəli bilinirdi.
Lusiya İriartın siyasi qərarlarda A.Pinoçetə əhəmiyyətli dərəcədə təsir göstərdiyi deyilirdi.
Onu da qeyd edək ki, A.Pinoçet 2006-cı ilin sonunda ev dustaqlığında vəfat edib. O, 1973-1990-cı illərdə rəhbərlik etdiyi hərbi rejim dövründə insan hüquqlarının pozulmasında və vergi cinayətlərində ittiham olunub. Onun diktatorluğu dövründə 3 mindən çox insan siyasi motivlərlə öldürülüb və ya itkin düşüb, 37 mindən çox insan isə işgəncələrə məruz qalıb.
