Belarus müxalifətinin lideri Svetlana Tixanovskayanın həyat yoldaşı, bloqer Sergey Tixanovski bir sıra cinayətlərə, o cümlədən kütləvi iğtişaşların təşkilinə görə məhkəmənin qərarı ilə 18 il müddətinə azadlıqdan məhrum edilib.
Bu barədə onun vəkili Viktor Matskeviç məlumat verib.
Vəkil qərardan apellyasiya şikayəti verəcəklərini, eləcə də qərara etiraz etmək üçün qanunla nəzərdə tutulmuş bütün tədbirləri görəcəklərini bildirb.
Bundan başqa, Tixanovskinin tərəfdarları da müxtəlif cəzalara məhkum ediliblər. Belə ki, 2010-cu ildə Belarusda prezident seçkilərində namizəd olmuş Nikolay Statkeviç 14 il, ekstremist “Belarus beyinləri” “Telegram” kanalının rəhbəri İqor Losik və bloqer Vladimir Tsiqanoviç 15 il, Tixanovskinin “Youtube” layihəsinin operatoru Artem Sakov və sosial media moderatoru Dmitri Popov hər biri 16 il müddətinə azadlıqdan məhrum ediliblər.