Şri-Lankanın Ratnapura şəhərində dünyanın ən böyük qiymətli daşı olan korund mavi sapfiri tapılıb.
Mavi sapfirin çəkisi 310 kiloqramdır.
Yerli geoloqlar qeyd edilən qiymətli daşın çəkisinə görə dünyanın ən nadir daşlarından biri olduğunu bildiriblər.
Beynəlxalq təşkilatlar sapfiri hələ təsdiq etməyiblər.
Qeyd edək ki, Ratnapura şəhəri sapfir və digər qiymətli daşların aparıcı ixracatçısı olan Cənubi Asiya ölkəsinin zərgərlik paytaxtı kimi tanınır.
Yerli zərgərlik sənayesi qurumu bildirib ki, ölkə keçən il zərgərlik, brilyant və digər zərgərlik məmulatları ixracından təxminən yarım milyard dollar gəlir əldə edib.
Onu da qeyd edək ki, mavi sapfir almazdan sonra ən sərt təbii maddədir.
