Almaniya sosial-demokrat partiyasının 63 yaşlı nümayəndəsi Olaf Şolz parlamentdə 395 səs toplayaraq ölkənin yeni kansleri seçilib.
Konstitusiyaya görə bundan sonra O.Şolz Prezident Frank-Valter Ştanmayerlə görüşüb və ölkə başçısı ona kansler təyin olunması barədə diplom təqdim edib.
Daha sonra Şolz parlamentə qayıdıb və orada həm o, həm də nazirləri and içiblər. Bundan sonra keçmiş kansler Angela Merkeldən hakimiyətin simvolik təhvil alınması mərasimi keçirilib.
Qaydaya əsasən artıq ölkənin yeni Nazirlər Kabinetinə Sosial Demokratlar, Yaşıllar və Azad Demokratlar Partiyasının nümayəndələri daxil olacaq. Hökumətin ilk iclasının bu gün axşam keçirilməsi gözlənilir.
Yeni kabinetdə ölkənin xarici işlər naziri Annalena Berbok, İqtisadiyyat və iqlim məsələləri qurumunun rəhbəri və vitse-kansler Robert Xabek, maliyyə naziri Kristian Lindler, müdafiə naziri isə Kristina Lambrext olacaq.
Qeyd edək ki, Almaniyanın keçmiş kansleri Angela Merkel 16 il kansler vəzifəsini icra edəndən sonra dekabrın əvvəli vəzifəsini tərk edib. Bu münasibətlə təntənəli mərasim keçirilib. Mərasim Bundesver Orkestrinin müşayiəti ilə Almaniya Müdafiə Nazirliyinin həyətində baş tutub. Orkestr Angela Merkelin sevdiyi “You Forgot Your Color Film” mahnısını ifa edib.