1988-ci ilin bu günündə Ermənistanın şimalında, əzəli Azərbaycan ərazisi olan Spitak şəhərində 7 bal gücündə dağıdıcı zəlzələ baş vermişdi.
Zəlzələ nəticəsində 25 mindən artıq adam həlak olmuş, 170 min nəfər xəsarət almışdı.
Zəlzələdən sonra birinci olaraq Azərbaycan Ermənistana yardım əlini uzatmışdı. 11923 saylı hərbi hissənin heyətindən ibarət xilasedici dəstə hərbi hissənin komandiri Vaqif Əhmədovun rəhbərliyi ilə Spitaka çatmış və yüzlərlə yaralı erməni dağıntılar altından xilas edilmişdi.
Dekabrın 11-də isə yardım məqsədi ilə Azərbaycandan 78 nəfər könüllüdən ibarət ikinci qrup göndərilmişdi. Lakin könüllüləri Spitaka aparan “İL-76” təyyarəsi Ermənistan ərazisində vurulmuşdu.
Ermənistan rəsmiləri bu günə kimi də təyyarənin vurulmadığını, qəzaya uğradığını bildirirlər.
69 sərnişin və 10 heyət üzü arasında yalnız təyyarənin qanad hissəsindəki yük maşınında oturmuş Fəxrəddin Balayev sağ qalmışdı. O, 2010-cu ildə dünyasını dəyişib.
Həmin vaxt keçmiş Yuqoslaviya respublikasından yardım daşıyan təyyarə də Eçmiədzin və Armavir şəhərləri arasındakı ərazidə qəzaya uğramışdı. Bəzi məlumatlara görə, bu təyyarəni də erməni terrorçuları Türkiyəyə məxsus оlduğunu gümаn еdərək vurmuşdulаr.
Qeyd edək ki, Azərbaycandan Ermənistana gedən təyyarə SSRİ Müdafiə Nazirliyinin balansında idi, Litva ərazisində dislokasiya olunmuşdu. Qəzaya uğrayan təyyarənin göyərtəsində 50 azərbaycanlı, 13 ləzgi, 11 rus, 2 tatar, 1 erməni və 1 yəhudi olub. Onların hamısı qəzanın nəticələrini aradan qaldırmaq məqsədilə Gümrüyə göndərilmişdilər.