Prezident İlham Əliyev iki sərəncam imzalayıb. İlk sərəncama əsasən, Ağdam şəhəri daxil olmaqla Ağdam rayonunun işğaldan azad edilmiş hissəsində Azərbaycan prezidentinin xüsusi nümayəndəliyi vəzifəsi ləğv olunub. Digər sərəncamla prezident İlham Əliyev Qarabağ iqtisadi rayonuna daxil olan işğaldan azad edilmiş ərazilərdə Azərbaycan prezidentinin xüsusi nümayəndəsini təyin edib.
Ağdam rayonunun işğaldan azad edilmiş hissəsində prezidentinin xüsusi nümayəndəsi olmuş Emin Zamin oğlu Hüseynov Qarabağ iqtisadi rayonuna daxil olan işğaldan azad edilmiş ərazilərdə Azərbaycan prezidentinin xüsusi nümayəndəsi vəzifəsinə təyin olunub.
Qeyd edk ki, 47 yaşlı Emin Hüsenov iqtisadçıdır, Azərbaycan Respublikasının Birinci vitse-prezidentiin köməkçisidir (2018-ci ildən). O, eyni zamanda Azərbaycan Respublikası Dövlət Neft Şirkətinin və “Azərbaycan Dəmir Yolları” QSC-nin Müşahidə Şuralarının və Azərbaycan Respublikasının İqtisadi Şurasının və Azərbaycan Respublikası İpoteka və Kredit Zəmanət Fondunun Himayəçilik Şurasının üzvüdür. 2-ci dərəcə dövlət müşaviridir.
Emin Hüseynov
