Qazax Rayon İcra Hakimiyyətinin başçısı Rəcəb Babaşovun oğlu Elşən Babaşzadə 275 min dollar (450 min manat) dəyərində olan avtomobilinin dövlət nömrə nişanını dəyişib.
O, “Mercedes Benz G-63 AMG” markalı maşının 10-LL-077 nömrə nişanını 77-LL-077 ilə əvəzləyib.
77-LL-077 Elşən Babaşzadənin öz adına qeydiyyata alınıb.
Qeyd edək ki, Elşən Babaşadə Dövlət Vergi orqanında müfəttişdir.
Onu da qeyd edək ki, 2016-cı ildən Qazax Rayon İcra Hakimiyyətinin başçısı olan Rəcəb Abas oğlu Babaşov barəsində çoxsaylı şikayətlər var. R.Babaşov Qazax Rayon İcra Hakimiyyətinin başçısı təyin olunduqdan cəmi 11 gün sonra “Qazax rayonu Birinci Şıxlı Kəndli Fermer Təsərrüfatı” MMC adlı şirkət dövlət qeydiyyatına alınıb. Nizamnamə kapitalı 100 manat olan şirkətin qanuni təmsilçisi Babaşov Emin Məmmədqulu oğlu olub. Həmin şəxsin icra başçısının yaxın qohumudur. Əslən Sabirabad rayonun Qaralar kəndindən olan Rəcəb Babaşovun yaxın qohumu olduğu bildirilən Məmmədqulu Babaşov uzun illər Sabirabad rayonunda 35 saylı Yol İstismar İdarəsinin müdiri olub.
Hazırda həmin idarəyə Məmmədqulu Babaşovun oğlu Əliqulu Babaşov rəhbərlik edir. “Birinci Şıxlı Kəndli Fermer Təsərrüfatı”nın qanuni təmsilçisi Emin Babaşovun Əliqulu Babaşovun qardaşı olduğu bildirilir.
Son 5 ildə Qazaxda minlərlə hektar torpaq sahəsində əkin əkən “Birinci Şıxlı Kəndli Fermer Təsərrüfatı” rayonun ən böyük təsərrüfatlarından birinə çevrilib.
İcra başçısı təyin edilməzdən öncə Rəcəb babaşov Vergilər Nazirliyində İri Vergi Ödəyiciləri Departamentinin rəisi işləyib.
Bunu aşağıda təqdim etdiyimiz videodada görə bilərsiniz: