Kabildə onlarla qadın Əfqanıstanın Xarici İşlər Nazirliyinin binası yaxınlığında etiraz aksiyası keçirib.
Qadınlar təhsil və iş hüquqlarını tələb etmək üçün yenidən toplaşıblar.
Qeyd olunur ki, “Taliban” nümayəndələri aksiya iştirakçılarını dağıdıb və jurnalistlərə qarşı zorakılıq ediblər. Foto və video çəkməyə cəhd edən jurnalistlər döyülüb və onların avadanlıqları əllərindən alınıb.
Şahidlərdən birinin sözlərinə görə, aksiya iştirakçılarının sayı 30-a yaxın olub. “Taliban” hərəkatı nümayəndələri aksiyanı dağıtdığından etirazçılar aksiyanı başqa küçəyə daşımalı olub.
Qeyd edək ki, “Taliban” Əfqanıstanda hakimiyyətə gələndən sonra qadın hüquqları ilə bağlı bir sıra vədlər verib. Lakin hələ də vədləri yerinə yetirməyib.