“Baykar” şirkətinin İdarə heyətinin sədri, “Baykar Teknoloji” şirkətinin texniki direktoru Selçuk Bayraktarın atası olan iş adamı Özdemir Bayraktar dəfn olunub.
Özdemir Bayraktar üçün Fatih məscidində vida mərasimi təşkil edilib.
Mərasimə Ö.Bayraktarın həyat yoldaşı və oğulları ilə yanaşı Türkiyənin bir sıra siyasi və ictimai xadimləri, o cümlədən ölkənin vitse-prezidenti Fuat Oktay, Türkiyə Böyük Millət Məclisinin sədri Mustafa Şentop, sabiq Prezident Abdullah Gül, səhiyyə naziri Fahrettin Koca və digər nazirlər qatılıb.
Vida mərasimindən sonra Ö.Bayraktarın cənazəsi anadan olduğu Sarıyerin “Garipçe” məhəlləsində ailə qəbiristanlığına aparılaraq dəfn olunub.
Qeyd edək ki, Türkiyə Prezidenti Rəcəb Tayyib Ərdoğanın qudası olan Özdemir Bayraktar oktyabrın 18-i 72 yaşında vəfat edib.
