Gürcüstanın keçmiş Prezidenti Mixail Saakaşvilinin hüquq-mühafizə orqanları tərəfindən saxlanıldığı anın görüntüləri yayılıb.
Bu barədə məlumatı “Sputnik Gürcüstan” yayıb.
M.Saakaşvili Tbilisidəki mənzildə nahar edərkən tutulub. Masanın üzərində xəngəl və iki şüşə araq görünür.
Saakaşvili Elqudje Çomaya adlı Gürcüstan vətəndaşına məxsus evdə saxlanılıb. E.Çomaya ölkənin Baş Prokurorluğu Elqudje Çomayanı ağır cinayəti gizlətməkdə təqsirləndirir. O, 1 ildən 4 ilə qədər müddətinə azadlıqdan məhrum edilə bilər. Bununla yanaşı, E.Çomayaya qarşı dövlət sərhədindən qanunsuz miqrant daşınması maddəsi ilə ittiham irəli sürülə bilər.
Xatırladaq ki, M. Saakaşvili oktyabrın 1-də tutulub. O, Tbilisi yaxınlığındakı Rustavi həbsxanasında saxlanılır.
Saakaşvili parlamentin deputatı Valeri Gelaşvilinin döyülməsi və “Gürcüstan Birləşmiş Bankının” əməkdaşı Sandro Girqvlianinin öldürülməsi işi üzrə məhkəmənin üç instansiyası tərəfindən təqsirli bilinir.