Yevlax Rayon İcra Hakimiyyətinin keçmiş başçısı Qoca Səmədovun cinayət işi üzrə məhkəmə prosesi başa çatıb.
Q. Səmədov bu gün Şəki Ağır Cinayətlər Məhkəməsinin hökmü ilə 7 il 3 ay müddətinə azadlıqdan məhrum edilib.
Keçmiş icra başçısı məhkəmə zalında həbs olunub.
Qeyd edək ki, Q. Səmədovun bir müddət əvvəl səhhətində yaranan problemlə bağlı məhkəmənin qərarı ilə başqa yerə getməmək barədə iltizam tədbiri seçilərək azadlığa buraxılmışdı.
O, 2019-cu ildə Dövlət Təhlükəsizliyi Xidməti (DTX) tərəfindən həbs edilib. Bir müddət öncə onun barəsində olan həbs qətimkan tədbiri səhhəti ilə əlaqədar dəyişdirilib, barəsində başqa yerə getməmək barədə iltizam tədbiri seçilib.