İran Silahlı Qüvvələrinin quru qüvvələri sabahdan etibarən ölkənin şimal -qərb bölgəsində təlimlərə başlayacaq.
Bunu İran Quru Qoşunlarının komandanı, general Kyumərs Heydəri bildirib.
O, “Fatihan Xeybər” adlı təlimlərdə toplar, pilotsuz uçuş təyyarələri, helikopterlər və zirehli texnikalardan istifadə olunacağını deyib.
K. Heydəri bildirib ki, hərbi təlimlərin keçirilməsində məqsəd bölgədə İran ordusunun hərbi gücünün artırılmasıdır.
Təlimlərin neçə gün davam edəcəyi qeyd edilməyib.