İsveç hökuməti bu gündən etibarən koronavirusa qarşı tətbiq edilən bütün məhdudiyyətləri ləğv edib.
Bu barədə məlumatı İsveçin “TT” agentliyi yayıb.
Məlumatda bildirilir ki, həm açıq, həm də qapalı məkanlarda keçirilən kütləvi tədbirlərdə iştirakçı sayı ilə bağlı məhdudiyyət tam ləğv edilib.
Tədbir iştirakçılarından COVID pasportu tələb olunmayacaq.
Bununla yanaşı, vaksin olunmayan vətəndaşlara əvvəl olduğu kimi, sosial məsafəni qorumaq və toplu insan olan yerlərdən yayınmaq tövsiyə edilib.
Həmçinin restoranlarda masalar arasında məsafənin qorunması ilə bağlı da qaydalar ləğv olunub.
Sentyabrın 29-dan etibarən distant iş rejimi barədə qadağa ləğv olunub və bununla da, çox sayda işçi gündəlik qaydada iş yerlərinə qayıda bilər.
Qeyd edək ki, Danimarka, Sinqapur, Tayland, CAR və Çili koronavirusa, xüsusilə də “Delta” ştamının yayılmasına baxmayaraq ölkədə tətbiq edilən bir sıra məhdudiyyətləri aradan qaldırıblar.