• 16 İyun 2024 06:28

Keçmiş nazir bir milyonluq borcunu ödəyə bilmir – ölkədən çıxışına “stop” qoyulub

Sen 16, 2021

Keçmiş Vergilər naziri Fazil Məmmədov vergi borcunu ödəyə bilmir.

Onun biznes imperiyasına daxil olan “Ata Holdinq” MMC-nin 967 111.04 AZN vergi borcu var, borc uzun müddətdir ki, ödənilmir.

İqtisadiyyat Nazirliyi yanında Dövlət Vergi Xidməti Bakı Şəhəri Lokal Gəlirlər Departamenti bununla bağlı məhkəməyə müraciət edib.

Bildirilir ki, vergi borcuna görə F. Məmmədovun ölkədən çıxışına “stop” qoyulub.

Qeyd edək ki, “Ata  Holdinq” MMC 23 iyul 2003-cü ildə 40 071 815.66 manatlıq nizamnamə kapitalı ilə yaradılıb. Holdinqin qanuni təmsilçisi Kamilov Əşfər Kamil oğludur. Əşrəf Kamilov bundan əvvəl “Ata  Holdinq”in Müşahidə Şurasının sədrinin müavini kimi çalışıb. Onun “Ata Bank” və “Bank VTB Azərbaycan” kimi banklarda səhm payları olub. “Ata Bank” artıq ləğv edilib. Əşrəf Kamilov “Bank VTB”dəki payını satıb.

F. Məmmədov nazir vəzifəsindən çıxarıldıqdan sonra biznes imperiyası çökməyə başlayıb. Onun nəzarətində olan şirkətlərin bir qismi məhkəməyə verilib.