İsrail hökuməti keçmiş Baş nazir Benyamin Netanyahudan vəzifədə olduğu müddətdə əldə etdiyi qiymətli hədiyyələri geri qaytarmasını tələb edir.
Netanyahudan ABŞ-ın keçmiş Prezidenti Barak Obama və Rusiya Prezidenti Vladimir Putin tərəfindən verilən hədiyyələr də daxil olmaqla aldığı 42 qiymətli əşyanı geri qaytarması tələb olunub.
Qeyd edək ki, xarici liderlər rəsmi səfərlərdə bir-birlərinə hədiyyələr verirlər. Ancaq dəyəri 90 dollardan çox olan hədiyyələr İsrail dövlətinin mülkiyyəti hesab edilir. Netanyahu və həyat yoldaşı Sarah hədiyyələri hələ geri qaytarmayıblar.