Azərbaycan prezidentinin göstərişilə meşə yanğınlarının söndürülməsi üçün Türkiyəyə yardım dəstələri göndəriləcək. Bu barədə dövlət başçısının köməkçisi Hikmət Hacıyevin mətbuat üçün məlumatında bildirilir.
Onun sözlərinə görə, baş nazirə və Fövqəladə Hallar Nazirliyinə lazımi tapşırıqlar verilib.
Buildirilir ki, Fövqəladə Hallar Nazirliyinin 500 nəfərlik şəxsi heyəti, vertolyotlar, həmçinin digər zəruri texnika və materiallar yanğınların söndürülməsi üçün qısa müddətdə Türkiyəyə göndəriləcək. Bu barədə Nazirlər Kabineti mətbuat xidmətinin baş nazir Əli Əsədovla Türkiyənin vitse-prezidenti Fuat Oktayın telefon danışığı haqda məlumatında deyilir.