İranlı jurnalistləri daşıyan avtobus aşıb.
Bunu Nəqədə şəhər başçısı Mənuçehr Şakir deyib.
O bildirib ki, Qərbi Azərbaycan əyalətində yerləşən Kani Sib su bəndindən reportaj hazırlamaq məqsədilə Nəqədə şəhərinə səfər edən jurnalistlərin avtobusunun aşması nəticəsində 2 nəfər ölüb, 21 nəfər yaralanıb.
Yaralı jurnalistlərdən bir neçəsinin vəziyyəti ağırdır.
Yaralılar Nəqədə şəhər xəstəxanasına yerləşdirilib.
Ölən jurnalist xanımlar “İRNA” və “İSNA” agentliklərinin əməkdaşlarıdır.