İyulun 1-dən Azərbaycanda toy, nişan və doğum günlərinin keçirilməsinə icazə verilib. Bu qərar koronavirus pandemiyası ilə bağlı vəziyyətin yaxşılaşdırılması ilə bağlı qəbul edilib. Bu barədə Nazirlər Kabineti yanında Operativ Qərargahın 22 iyun tarixli məlumatında deyilir.
50-150 nəfərlik toylar üçün COVİD-pasport tələb olunur, tibbi maskalardan istifadə ləğv edilir.
Toylarda xidmət göstərən personalın ən azı 80 faizinin COVİD-pasportu olmalıdır. Personal maska taxmalıdır. Musiqiçilərin maska taxması tələb olunmur.
Toylarda və digər şənliklərdə qonaqların sayı barədə məlumatlar beş gün qalmış icaze-gov.az portalına daxil edilməlidir. Əks halda, tədbirlərin keçirilməsi qadağandır.
Tədbirdə qonaqların sayı 50 nəfərə qədər olarsa, tibbi maskalardan istifadə lazımdır, ancaq COVID pasportu tələb olunmur.
Müvafiq qərar qəbul edilənədək 150-dən çox adamın iştirakı ilə təntənəli tədbirlərin keçirilməsi qadağandır.