Lüks “Burgh Island” otelinin sahibi, İngiltərəli milyonçu Cayls Fuks pandemiya məhdudiyyəti səbəbindən işçi qüvvəsi çatışmadığı üçün qabları özü yumaq məcburiyyətində qalıb.
Bu barədə “Daily Mail” xəbər yayıb.
Xəbərdə bildirilib ki, koronavirusa görə İngiltərənin məşhur oteli miqrant işçilərsiz qalıb, ona görə də milyonçu işin öhdəsindən təkbaşına gəlmək məcburiyyətində olub. Belə ki, milyonçu həftəsonunu otelin mətbəxində keçirib.
C.Fuks bəzi koronavirus məhdudiyyətləri götürüldükdən sonra işçilərin çatışmazlığı səbəbindən işini dayandırmaq istəməyib. O, kürəyində ağrılara baxmayaraq, qabların hamısını yuyub.
Qeyd edək ki, “Burgh Island” oteli 1929-cu ildə inşa edilib. Müxtəlif dövrlərdə Aqata Kristi, Uinston Çörçil, “The Beatles” qrupunun üzvləri kimi məşhurlar otelin qonağı olub.