“Azad Peru” Partiyasının nümayəndəsi Pedro Kastilyo Peruda keçirilən prezident seçkilərinin ikinci turunda qələbə qazanıb.
Bu barədə ölkənin Seçki Proseslərinin Milli Ofisi tərəfindən dərc edilmiş məlumatda bildirilib.
Məlumata əsasən bülletenlərin 99,2%-i hesablanıb. P.Kastilyoya 8 800 081 (50,198%) seçici, onun rəqibi – “Xalq gücü” Partiyasından namizəd Keyko Fuhimoriyə isə 8 730 535 (49,802%) seçici səs verib.
Səsvermə hüququna malik vətəndaşlardan 25%-dən çoxu (6,3 milyon) seçki məntəqələrinə gəlməyib.
P.Kastilyo prezident vəzifəsinin icrasına iyulun 28-də başlayacaq.
Qeyd edək ki, Peruda prezidentin səlahiyyət müddəti beş ildir.