İsrailin mərkəzi hissəsi Qəzza zolağından kütləvi raket atəşinə tutulub.
Kadrlarda raketlərdən birinin sərnişin avtobusuna tuş gəldiyi və nəticədə avtobusun partlayaraq tamamilə yandığı görünür. Mərmilər bir neçə digər maşına da ziyan vurub.
Qəzza zolağından atılan tank əleyhinə raketin İsraildə avtomobilə dəyməsi nəticəsində 2 nəfər yaralanıb, 1 nəfər ölüb.
Yaralıların evakuasiyası üçün hadisə yerinə helikopter cəlb olunub.
Həkimlər raket zərbələri altında qurbanları həyatlarını riskə ataraq evakuasiya etməli olduqlarını bildiriblər.
Qeyd edək ki, bununla da İsraildə raket zərbəsindən ölənlərin sayı 6-ya çatıb.
Xatırladaq ki, mayın 10-dan etibarən İsrail ordusunun verdiyi məlumata görə ölkə ərazisinə iki min raket atılıb.