Rusiyanın Tatarıstan Respublikasında orta məktəblərin birində silahlı insident baş verib.
Naməlum şəxs paytaxt Kazanda yerləşən məktəblərdən birinə hücum edib.
Hadisə zamanı 9 nəfər həyatını itirib. Onlardan yeddisi 8-ci sinif şagirdləri, ikisi isə müəllim olub. Ölən şagirdlərdən 4-ü oğlan, 3-ü isə qızdır.
Ölənlərdən ikisi xilas olmaq üçün özünü üçüncü mərtəbədən atan məktəblilərdir.
Hadisə nəticəsində 21 nəfər yaralanıb.
Hücum barədə hələlik rəsmi açıqlama verilməsə də, “İnterfaks” qeyd edir ki, hüquq-mühafizə orqanlarının əməkdaşları basqın edən 19 yaşlı yeniyetməni saxlayıblar.
Tatarıstan Prezidenti Rustam Minnixanov, səhiyyə naziri Marat Sadıkov və regionun prokuroru İldus Nafikov hadisə yerinə gedib.