ABŞ Prezidenti CO Bayden 1915-ci il hadisələrindən danışarkən “soyqırımı” ifadəsini işlədib.
Bayden bildirib ki, bu ifadəni günahlandırmaq üçün yox, təkrarlanmasın deyə işlədir.
Türkiyə xarici işlər naziri Mövlud Çavuşoğlu qalmaqallı ifadə ilə bağlı tvitter hesabında paylaşım edib.
“Kəlmələr tarixi dəyişdirə bilməz, yenidən yaza bilməz.
Tariximiz haqqında kimsədən dərs alası deyilik. Siyasi fürsətçilik sülh və ədalətə qarşı ən böyük xəyanətdir.
Tək söykənəcəyi populizm olan bu açıqlamanı bütünlüklə rədd edirik”.
Qeyd edək ki, Ermənistan və erməni lobbisinin iddiasına əsasən, Osmanlı imperiyası 1915-ci ildə Anadoluda yaşayan ermənilərə qarşı “soyqırım” törədib.
Xatırladaq ki, Co Bayden Ronald Reyqandan sonra “erməni soyqırımı” ifadəsini işlədən ikinci ABŞ prezidentidir.
Onu da qeyd edək ki, daha əvvəl Türkiyə Prezidenti Rəcəb Tayyib Ərdoğan bildirib ki, Türkiyə tarixində ermənilərə qarşı heç bir soyqırım olmayıb.
Türkiyə Ermənistanı 1915-ci il arxivlərini açmağa və hadisələri araşdırmaq üçün birgə komissiya yaratmağa çağırıb. Lakin Ermənistan Türkiyənin bu təklifinə hələ də cavab verməyib.