“AstraZeneca” vaksininin istifadəsində problemlər və tərəddüdlər yaranıb. Səbəb vaksinin qanda laxtalanma risqi yaratmasıdır. Bu üzdən vaksindən istifadəyə məhdudiyyət qoyan ölkələrin sayı artır.
Almaniya, İtaliya və Fransa koronavirusa qarşı “AstraZeneca” vaksinin istifadəsini dayandırıb:
“Vaksin qanda laxtalanma riski yaratması səbəbindən müvəqqəti olaraq tətbiq edilməyəcək. Avropa Dərman Agentliyi (EMA) yeni araşdırmaların vaksinin tanınmasına təsir edib-etməyəcəyinə qərar verəcək”.
İtaliya da”AstraZeneca”-dan istifadəyə qadağa qoyub.
Bundan başqa, Fransa Prezidenti Emmanuel Makron peyvəndin istifadəsinin sabah günortaya qədər dayandırıldığını bildirib.
Qeyd edək ki, bu vaksinin istifadəsini təxirə salan ölkələrin sayı 11-ə çatıb. Bunlar Niderland, İrlandiya, Norveç, Danimarka, İslandiya, Rumıniya, İndoneziya, Bolqarıstan, İtaliya, Fransa və Almaniyadır.