Qaradağ rayonunun Lökbatan qəsəbəsində iki yeniyetmə məktəbli qız intihar edib.
Bu barədə hadisə şahidləri məlumat veriblər.
Məlumatda bildirildiyinə görə, Qobu qəsəbəsindəki 2 nömrəli orta məktəbin 11-ci sinif şagirdləri Əfruz Səmədova və sinif yoldaşı Mətanət Quliyeva Lökbatan qəsəbəsindəki doqquzmərtəbəli binanın damından özlərini yerə atıblar.
Qızların hansı səbəbdən bu addımı atdıqları bəlli deyil.
Qeyd edək ki, Əfruz Səmədova rəssamlğa maraq göstərib, əl işləri var.
Baş Prokurorluğun məlumatına görə faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanıb.
Təhsil naziri Emin Əmrullayev məktəbli qızların ölümüylə bağlı fb hesabından ailələrə başsağlığı verib: “Abşeron rayonu, Qobu qəsəbə 2 nömrəli tam orta məktəbin 11-ci sinfinin iki şagirdinin intiharı bizi dərindən kədərləndirir. Ailə və yaxınlarına səbr diləyirik”.
Xatırladaq ki, ötən il Bakıdakı 162 nömrəli məktəbin səkkizinci sinif şagirdi Elina Hacıyeva oxuduğu məktəbin üçüncü mətəbəsindən özünü ataraq intihar etmişdi. Bu intihar cəmiyyətdə əks-səda doğurmuşdu.