Ilk dəfə olaraq faydalı qazıntı yataqları hərrac qaydasında istifadəyə veriləcək.
İqtisadiyyat və Ekologiya və Təbii Sərvətlər nazirliklərinin birgə məlumatında bildirilir.
Bununla bağlı hər iki nazirlik arasında razılaşma əldə olunub.
Məqsəd iqtisadi mühitin genişləndirilməsi, təbii resursların səmərəli istifadəsi və ekoloji təhlükəsizlik sisteminin formalaşmasıdır.
Məlumatda bildirildiyi kimi, ilk olaraq Ağcabədi, Beyləqan, Goranboy, Göygöl, Qazax, Tovuz rayonlarındakı yataqların hərraca çıxarılması nəzərdə tutulur.
Işaldan azad olunmuş ərazilərdəki faydalı qazıntı yataqlarının da hərrac vasitəsilə istismara verilməsi də planlaşdırılır.
Hərracın şərtləri, faydalı qazıntı yataqları barədə öncədən məlumat veriləcək.