Son üç ildə pensiyaların orta aylıq məbləği 60 % artıb. İlin əvvəlindən daha 10%-dək artaraq 330 manata çatıb.
Əmək və Əhalinin Sosial Müdafiəsi Nazirliyinin məlumatında bildirilir.
Məlumata görə, yaşa görə pensiyaların orta aylıq məbləği 361 manat, əlilliyə görə pensiyaların orta aylıq məbləği 290 manat, ailə başçısını itirməyə görə pensiyaların orta aylıq məbləği 267 manatdır.
Bu artım yanvar ayında pensiyaların indeksləşdirilərək artırılması sayəsində yaranıb.
Qeyd edək ki, Prezident İlham Əliyevin “Əmək pensiyalarının indeksləşdirilməsi haqqında” 5 fevral 2021-ci il tarixli Sərəncamı ilə pensiyalar 2020-ci il üzrə orta aylıq nominal əməkhaqqının illik artım tempinə uyğun şəkildə indeksləşdirilərək 11,4% artırılıb. Artım 1 mln140.min nəfəri əhatə edib. Bunun üçün dövlət büdcəsindən 441 mln manat vəsait ayrılıb.
Ötən il indeksləşmə üzrə artım 16,6% olub.