Qarlı havada 39 nəfər yıxılıb, xəsarət alıb

Sinopiklərin xəbərdarlığı özünü döğrultdu. Paytaxtda qarlı, şaxtalı hava davam edir. Şəhərin bir çox yerlərində ictimai nəqliyyatın hərəkəti iflic durumdadır. Qarlı hava avtomobil qəzaları ilə yanaşı vətəndaşlar üçün də xətərsiz keçməyib. Gün ərzində şaxtalı havada, sürüşkən yollarda 39 nəfər yıxılaraq, müxtəlif dərəcəli bədən xəsarətləri alıb. Zədələnənlərdən 19-u qadın, 20-si kişidir. 36 nəfərin xəsarəti daha ciddi olduğundan tibbi yardım üçün xəstəxanaya yerləşdirilib. Sinoptiklər bu gecə şaxtanın -9 dərəyəcə çatacağını bildirirlər. Şaxtalı hava sabah da davam edəcək.