Azərbaycan Baş Prokurorluğu vətəndaşları müvafiq icazə olmadan azad edilmiş ərazilərə səfər etməkdən çəkinməyə çağırır. Məhdudiyyətlərin səbəbi minaların partlaması və insanların həlak olması hadisələrinin davam etməsidir.
Belə ki, 2020-ci il noyabrın 10-da imzalanmış sazişdən sonra azad edilmiş ərazilərdə minaya düşmələri nəticəsində 5 hərbi qulluqçu, 9 mülki şəxs həlak olub, 52 hərbi qulluqçu, 8 mülki şəxs isə müxtəlif dərəcəli bədən xəsarətləri alıb.
Azad olunmuş ərazilərin minalardan təmizlənməsi işi başa çatanadək qanunsuz səfər hallarına yol vermiş şəxslər barəsində qanunvericilikdə nəzərdə tutulmuş ən ciddi tədbirlərin görülməsi təmin ediləcək, deyə məlumatda bildirilir.