ABŞ-da Demokratların prezidentliyə namizədi Co Bayden seçicilər kollegiyasının səsverməsinə görə, 3 noyabrda keçirilən prezident seçkilərini qazanıb.
ABŞ seçicilər kollegiyası səsverməsinin son nəticələrinə görə, Bayden 306 səs, Tramp isə 232 səs toplaya bilib.
ABŞ Konstitusiyasına uyğun olaraq, seçicilər kollegiyasının səsverməsinin nəticələri konqres tərəfindən təsdiqlənməlidir.
6 yanvar 2021-ci il tarixində seçici səslərinin sayılacağı, Senat və Nümayəndələr Palatasının birgə iclasının baş tutacağı gözlənilir.
Qeyd edək ki, kollegiya səsvermə proseduru ənənəvi olaraq formal xarakter daşısa da, bu il hazırkı Prezident Donald Trampın məğlubiyyətini qəbul etməkdən imtina etməsi və genişmiqyaslı seçki saxtakarlığı iddiası qaldırması səbəbindən sözügedən prosedur bu il xüsusi diqqət çəkib.