Türkiyədə 6,6 maqnitudalı zəlzələ baş verib.
Güclü zəlzələnin təkanları İstanbul və İzmir şəhərlərində hiss edilib.
Yeraltı təkanların episentrinin İzmir vilayətinin Səfərihisar ilçəsində qeydə alındığı bildirilib.
Türkiyənin Daxili İşlər naziri Süleyman Soylu İzmirin Bornova və Bayraklı rayonlarında zəlzələ nəticəsində 6 binanın çökdüyünü açıqlayıb.
Zəlzələnin İzmirlə yanaşı Aydın, Muğla, Manisa, Dənizli, Çanaqqala, Bursa, İstanbul, Uşak, Kütahya, Bursa, Yalova, Tekirdağ və Ədirnədə hiss edildiyi bildirilib. Xəstəxanalar, xilasetmə, polis və tibbi yardım qrupları hazır vəziyyətə gətirilib.
İzmir Böyükşəhər Bələdiyyə sədri Tunç Soyer 20-yə yaxın binanın dağılması barədə məlumat daxil olduğunu qeyd edib.
Hadisə nəticəsində 4 nəfər həlak olub, azı 120 nəfər xəsarət alıb.
