Azərbaycan Ermənistana məxsus raket qurğularını məhv etməsəydi, bu raketlər Bakıya da çatа bilərdi. Bu barədə çərşənbə axşamı Bakıda akkreditə olunmuş səfirliklərin hərbi attaşeləri üçün keçirilən brifinqdə Azərbaycan HHQ-nin Qərargah rəisi general İkram Əliyev bildirib.
“Oktyabrın 12-də Qubadlı rayonu ərazisində 1 ədəd Toçka-U raketi məhv edilib. Oktybarın 14-də gecə saat 1.00 radələrində 2 ədəd, səhər 8.30 radələrində 1 ədəd olmaqla, “Elbrus” raket kompleksi Azərbaycan Ordusu tərəfindən aşkarlanaraq məhv edilib. 300 km atış məsafəsinə sahib “Elbrus” raketi Dağlıq Qaprabağa gətirilərdisə, onun mərmisi Bakıya da çatardı. Əldə etdiyimiz məlumatlara görə, Dağlıq Qarabağda yerləşən ümumqoşun hissələrində belə raket yoxdur. Bu, Ermənistanın 71-ci raket alayının tərkibindədir”, deyə general qeyd edib.
Məhv edilmiş komplekslərin fotoşəkillərini təqdim edən general bildirib ki, onlar atışa hazır vəziyyətə gətirilmişdi.
Bir müddət əvvəl Müdafiə Nazirliyi bu komplekslərin Gəncə və Mingəçeviri hədəf aldığını bildirib. (Contact.az)