Türkiyənin cənubunda baş verən dağıdıcı zəlzələ nəticəsində ölənlərin sayı 3400 nəfərə çatıb.
Türkiyənin Fövqəladə Hallar İdarəsinin (AFAD) rəhbəri Yunus Sezarın sözlərinə görə, 20,5 min şəxs yaralanıb.
Daha əvvəl Türkiyənin vitse-prezidenti Fuat Oktay bildirib ki, ümumilikdə 7840 nəfər dağıntılar altından sağ-salamat çıxarılıb.
Dağıntıların araşdırılması davam edir, qurbanların sayı artacaq.
Oktay əlavə edib ki, 338 min insan yataqxana, universitet və sığınacaqlarda yerləşdirilib.
Prezident Rəcəb Tayyib Ərdoğan təbii fəlakət qurbanları üçün Türkiyədə 7 günlük milli matəm elan edib.
Seysmoloqların məlumatına görə, fevralın 6-da Türkiyənin cənub-şərqində gün ərzində maqnitudası yeddidən çox olan iki zəlzələ (saat 04:17-də – 7,7, 13:24-də isə – 7,6) baş verib.
Türkiyə hökuməti yeni zəlzələlərdən ehtiyatlanaraq əhalini evlərinə qayıtmamağa çağırıb.