İyunun 19-da günorta saatlarında Rusiya Federasiyası hökumətinin keçmiş dövlət katibi və baş nazirinin birinci müavini, 76 yaşlı Gennadi Burbulis Bakıda vəfat edib.
Məlumatlı mənbədən Turan-a verilən məlumata görə, ölüm Burbulis Azərbaycanın paytaxtında otellərdən birində saunada olarkən baş verib.
Burbulis beynəlxalq forumda iştirak etmək üçün Bakıya gəlib.
Hələlik ölüm səbəbi ilə bağlı rəsmi açıqlama verilməyib.
* Gennadi Eduardoviç Burbulis – Sovet və Rusiya dövlət və siyasət xadimi. Boris Yeltsinin prezidentliyinin əvvəlində ən yaxın silahdaşlarından biri. 1991-1992-ci illərdə dövlət katibi və Rusiya baş nazirinin birinci müavini vəzifələrində çalışıb.