Ötən gecə saat 22:20 radələrində Bakının Nizami rayonu Özbəkistan küçəsi 1 ünvanında “Yeni Ev 7” MTK-nın tikdiyi çoxmərtəbəli binanın liftində qəza baş verib.
Liftin 4-cü mərtəbədə olarkən zərbə ilə şaxtaya çırpılması nəticəsində orada olan 4 qadın və 2 uşaq ağır xəsarətlər alıblar.
Yaralanan şəxslər bunlardır:
1968-ci il təvəllüdlü Afidə Heydərova – sol baldır sümüyünün sınığı, bel nahiyəsinin əziyi;
1960-cı il təvəllüdlü Tənzilə Süleymanova – sol ayağının sınığı, onun nəvəsi, 2009-cu il təvəllüdlü Leyla Səfərova – sol bud sümüyünün sınığı;
1980-ci il təvəllüdlü Yeganə Hacıyeva – topuq sümüyünün sınığı, onun övladı, 2007-ci il təvəllüdlü Cəlil Hacıyev – Sol qol nahiyəsinin əziyi;
1960-cı il təvəllüdlü Sevinc Rəsulova – bel-omba nahiyəsinin əziyi.
Yaralılar xəstəxanaya yerləşdirilib və onlara tibbi yardım göstərilib.
Faktla bağlı Nizami Rayon Prokurorluğu tərəfindən araşdırmalara başlanılıb.