Martın 10-da Antalyada Türkiyə, Ukrayna və Rusiya Xarici İşlər nazirlikləri rəhbərlərinin üçtərəfli görüşü keçiriləcək. Bu barədə martın 7-də Türkiyənin xarici işlər naziri Mövlud Çavuşoğlu bildirib.
Görüş Antalyada keçirilən Diplomatik Forum çərçivəsində baş tutacaq, Sergey Lavrov və Dmitri Kuleba iştiraka razılıq veriblər.
“Görüş mənim iştirakımla baş tutacaq. Biz onun təşkili üçün böyük səylər göstərmişik”, – türkiyəli nazir deyib.
Çavuşoğlu qarşıdakı görüşün regionda sülhə və sabitliyə töhfə verəcəyinə ümidvar olduğunu bildirib. O vurğulayıb ki, hərbi əməliyyatların dayandırılması mütləq prioritetdir.
Çavuşoğlu onu da bildirib ki, hərbi əməliyyatlar başlanyandan Ukraynadan 12 mindən artıq Türkiyə vətəndaşı evakuasiya edilib.