Bu gün Nəsimi Rayon Məhkəməsində YAP Binəqədi Rayon Təşkilatının keçmiş sədri Ramiz Göyüşovdan hədə-qorxu ilə pul tələb etməkdə ittiham olunan “Azadinfo.az” MMC-nin təsisçisi Mahir Ələkbərovun (Xəttab) məhkəməsi keçirilib.
Məhkəmə iclasında dövlət ittihamçısı çıxış edərək M.Ələkbərovun 4 il müddətinə azadlıqdan mərhum edilməsini istəyib.
Daha sonra Mahir Ələkbərovun vəkili çıxışa hazırlaşmaq üçün məhkəmədən vaxt istəyib.
Növbəti məhkəmə iclası yanvarın 18-də davam edəcək.
Qeyd edək ki, M.Ələkbərov R.Göyüşov barəsində qeyri-etik videogörüntüləri “Azadinfo.az” və digər xəbər saytlarında qəsdən yaydıqdan sonra həmin məlumatların yayılmasının qarşısının alınması üçün R.Göyüşovla görüşüb görüntülərin silinməsi məqsədilə ondan hədə-qorxu ilə 2 min manat məbləğində pul almaqda ittiham edilir.