İtaliya Nazirlər Şurası ölkədə ailələr üzrə uşaq müavinətləri barədə paketi elan edib.
Paketə əsasən, ailələrə gəlir səviyyəsindən asılı olaraq ilk iki uşaq üçün hər uşağa görə 175 avroyadək müavinət veriləcək. Üçüncü uşaq üçün 260 avro, dördüncü uşağa görə 360 avro olacaq. Hər ikisi işləyən və dörd uşağı olan valideynlər isə ayda 1090 avro pul alacaqlar.
Maddi vəziyyəti yaxşı olan və az uşaqlı ailələr də güzəştlərdən faydalana biləcəklər. Gəlir səviyyəsi ildə 15 min avrodan az olan ailələr bu müavinətləri ala biləcəklər. Gəlirləri yüksək olanlara da az miqdarda olsa da, ödəniş olunacaq. Yüksək gəlirli ailələr üçün minimum müavinət hər uşağa görə 50 avrodur. Hər iki valideynin işlədiyi və sağlamlıq imkanları məhdud uşağı olan ailələrə də müavinətlər veriləcək.
Əvvəlki kimi 21 yaşa qədər olanlara dövlət dəstəyi davam edəcək, ancaq 18 yaşdan sonra müavinətlər azaldılacaq.
İtaliya vətəndaşları ilə yanaşı, ölkədə ən azı 2 il yaşayan əcnəbilər də müavinət ala biləcəklər.
Müavinətlərlə bağlı paketin 7 milyon ailəni əhatə edəcəyi deyilir. Bunun üçün dövlət büdcəsindən hər il 20 milyard avro ayrılacaq.
Qeyd edək ki, İtaliya Avropa qitəsində doğum nisbətinin ən aşağı olduğu ölkələrdən biridir. Bu paketin həm ailələrə iqtisadi dəstək, həm də demoqrafik böhranın qarşısının alınması məqsədi daşıyır.