Ləğv edilmiş Milli Təhlükəsizlik Nazirliyinin polkovniki, eyni zamanda Lənkəran Dövlət Universitetinin ümumi işlər üzrə prorektoru olmuş Bahadır Qocayev Cinayət Məcəlləsinin 178.3.2-ci (külli miqdarda dələduzluq) maddəsi ilə təqsirli bilinənərək həbs edilib.
Keçmiş MTN polkovniki 70 min manatdan çox pulu mənimsəməkdə ittiham olunur.
Dövlət Təhlükəsizliyi Xidməti B.Qocayev barəsindəki cinayət işinin materiallarını baxılması üçün Bakı Ağır Cinayətlər Məhkəməsinə göndərib.
Qeyd edək ki, Bahadır Qocayev keçmiş MTN-nin Qusar və Kürdəmir rayon şöbələrinin rəisi olub. Nazir Eldar Mahmudov işdən çıxarıldıqdan və MTN ilə ilə bağlı araşdırmalar başladıqdan sonra oradan çıxarılıb. Bundan sonra o, Lənkəran Dövlət Universitetindəki vəzifəsindən də azad edilib.