Həbsdə olan və 40 gündən artıq aclıq edən Gədəbəyin keçmiş icra başçısı Saleh Rüstəmlinin aclıqdan sonra ilk fotosu yayılıb.
Fotoda S.Rüstəmlinin çox qocaldığı və arıqladığı görünür.
Fotonu Saleh Rüstəmlinin həkimi Adil Qeybulla paylaşıb. O, bildirib ki, S.Rüstəmlinin səhhəti Müalicə Müəssisəsində həkimlərlə birgə ciddi nəzarət altında saxlanılır.
Həkim onu da bildirib ki, S. Rüstəmlinin sağlamlığının bərpası istiqamətində tədbirlər aclığı dayandırmaqdan xeyli əvvəl başlayıb:
“Alimentar qidalanmaya keçdikdən sonra bərpa prosesi sürətlə gedir. Aşağıdakı şəkil aclığın dayandırıldığı gün çəkilib. Bu şəkli Saleh bəy azadlığa çıxandan sonra sizlərə təqdim etmək fikrində idim. Lakin yersiz və əsassız şayiələri təkzib etmək zərurəti yarandığından buna məcbur oldum. Qısa video sujet də var. Gəlin hamılıqla arzu edək ki, Saleh bəyin səhhəti tezliklə tam bərpa olsun və o, layiq olduğu azadlığına qovuşsun”.
