Fransada minlərlə hakim, vəkil və katib iş şəraitinə etiraz etmək üçün küçələrə çıxıb.
Bu barədə “Le Monde” agentliyi məlumat yayıb.
17 həmkarlar ittifaqının təşkil etdiyi aksiya Fransanın bir neçə şəhərində keçirilib. Belə ki, Bordo küçələrinə bir neçə yüz, Marseldə 400, Lionda 300-ə yaxın insan aksiyada iştirak edib. Strasburq, Rene, Nitsa, Qrenobl və bir çox başqa şəhərlərində də aksiyalar keçirilib.
Qeyd edək ki, bundan öncə, noyabrın sonunda “Le Monde”də 7500 hakim, hüquqşünas və məhkəmə katibi tərəfindən imzalanmış məhkəmə orqanlarının müraciəti yayımlanıb.