Göyərtəsində Hindistan Müdafiə Nazirliyi Baş Qərargahın rəisi Bipin Ravatın da olduğu Rusiya istehsalı olan Mi-17V5 markalı helikopter qəzaya uğrayıb.
Hadisə Hindistanın Tamilnad ştatında baş verib.
General Bipin Ravatın da olduğu helikopterin qəzaya uğraması nəticəsində 5 nəfər həlak olub. Helikopterdə generalın həyat yoldaşı, köməkçisi, şəxsi mühafizə xidmətindən xüsusi təyinatlılar və ölkə Hərbi Hava Qüvvələrinin hərbçiləri olublar.
Qəza nəticəsində Baş qərargah rəisi, həyat yoldaşı və daha 11 hərbçi həlak olublar.
Helikopterin Hindistan Hərbi Hava Qüvvələrinin Sere bölgəsindəki bazasından havaya qalxdığı və Vellinqon şəhərinə uçduğu bildirilir.
General Ravat orada Müdafiə Nazirliyinin kollecində mühazirə oxumağı planlaşdırırdı.
Helikopterin “pis hava şəraiti” ucbatından qəzaya uğradığı deyilir. Bildirilib ki, hlikopter güclü duman şəraitində uçub, görmə məsafəsi kritik ölçülərdə azalıb və nəticədə helikopter dağa çırpılıb.
Xatırladaq ki, bir neçə gün əvvəl Rusiya istehsalı olan Mi-17 helikopterinin Qaraheybət təlim poliqonu üzərində qəzaya uğraması nəticəsində Azərbaycanın Dövlət Sərhəd Xidmətinin 14 zabiti şəhid olmuşdu.