Gənclər və idman nazirinin keçmiş müavini İsmayıl İsmayılovun oğlu Elvin İsmayılovun nəhəng biznes şəbəkəsi ortaya çıxıb.
Bu barədə jurnalist Cavanşir Həsənli feysbuk səhifəsində məlumat paylaşıb:
“İsmayıl İsmayılovun oğlu Elvin İsmayılov əvvəllər Qəbələ Atçılıq klubu” MMC-yə rəhbərlik edib. Hazırda “Gilan Holdinq”ə daxil olan “Gilan İnşaat” MMC-nin qanuni təmsilçisi kimi çıxış edir, “Qəbələ Sport Store” MMC-yə rəhbərlik edir. “Qəbələ Sport Store” idman ləvazimatlarının, o cümlədən ov silahlarının satışı üzrə ixtisaslaşıb.
İsmayıl İsmayılovun oğlunun rəhbərlik etdiyi daha bir şirkət “Core Construction” (keçmiş “Gilan Construction Group”) MMC-dir.
Elvin İsmayılov
Qeyd edək ki, Prezidentin sərəncamı ilə noyabrın 29-da İsmayıl İsmayılov gənclər və idman nazirinin müavini vəzifəsindən azad edilib.
İ.İsmaylov vəzifəsindən azad ediləndən bir gün sonra qalmaqallı açıqlama vermişdi: “Sərəncam mənim üçün gözlənilməz oldu. Buna baxmayaraq, mən ömrümün sonunadək Prezidentimizin quluyam. Ölkə başçısının yolunda hər şeyə hazıram. 15 il nazir müavini postunda oldum. Bundan böyük nə ola bilər? Əbədi heç nə yoxdur. Bu gün mən deyərdim ki, ölkədə bütün inkişaf onun sayəsində gedir. Son 300 ildə bizim torpaqlarımız alına-alına gedirdisə, bu gün onun sayəsində işğal olunan ərazilərimiz düşmən tapdağından azad olunub. Allah Prezidentimizi qorusun”.
