Dünən Bakının mərkəzində keçirilən etiraz aksiyası zamanı saxlanılan 5 nəfər barədə Səbail Rayon məhkəməsində istintaq orqanının təqdimatına baxılıb.
İnzibati Xətalar Məcəlləsinin 211.1-ci maddəsi ilə təqsirli bilinən ictimai fəallar İlham Hüseyn və Rüstəm İsmayılbəyli 30 sutka, Elçin Teymurov 25 sutka, Elxan Əliyev 20 sutka, Səyyad Quliyev isə 15 sutka inzibati həbs cəzası alıb.
Qeyd edək ki, İnzibati Xətalar Məcəlləsinin 211.1-ci maddəsinə əsasən, epidemiya əleyhinə rejimin, sanitariya-gigiyena və karantin rejimlərinin pozulmasına görə fiziki şəxslər iki yüz manatdan dörd yüz manatadək məbləğdə, vəzifəli şəxslər dörd min manatdan beş min manatadək məbləğdə cərimə edilir, yaxud işin hallarına görə, xətanı törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, hüquqi şəxslər beş min manatdan on bir min manatadək məbləğdə cərimə edilir.