Bolqarıstanın hazırkı prezidenti Rumen Radev prezident seçkilərinin ikinci turunda qalib gəlib.
Bu barədə bazar ertəsi Mərkəzi Seçki Komissiyası (MSK) yerli vaxtla saat 04:00-da (Bakı vaxtı ilə saat 06:00) protokolların 99,44 faizinin hesablanması əsasında məlumat verib. Bolqarıstanın MSK-nin rəsmi saytında dərc olunan məlumata görə, seçicilərin 66,67 faizi (1 milyon 532 min 412 nəfər) Radevə səs verib. Ən yüksək dövlət vəzifəsinə ikinci namizəd olan Sofiya Universitetinin rektoru Anastas Gerdjikov 31,85 faiz səs (732 min 35) toplayıb. Seçicilərin 1,48 faizi (33 min 979 nəfər) namizədlərin hər ikisinin əleyhinə səs verib.