Bərdədə keçmiş bələdiyyə sədri həbs edilib.
Bərdə Rayon Prokurorluğunun məlumatına görə, Bərdə rayonu, Şorəlli kənd bələdiyyəsinin keçmiş sədri Raqub Kərimov işlədiyi müddət ərzində qulluq səlahiyətlərindən istifadə edərək vətəndaşdan rüşvət almaqla, torpaq sahələrini geri tarixlərə sənədləşdirib rəsmi sənədlərə bilə-bilə yalan məlumat daxil etməklə vəzifə saxtakarlığı edib.
Faktla bağlı Bərdə Rayon Prokurorluğunda Cinayət Məcəlləsinin 311.2 (vəzifəli şəxs tərəfindən qanunsuz hərəkətlərə (hərəkətsizliyə) görə rüşvət alma) və 313-cü (vəzifə saxtakarlığı) maddələri ilə cinayət işi başlanıb.
Raqub Kərimov barəsində məhkəmənin qərarı ilə həbs qətimkan tədbiri seçilib.