Bu gün səhər saatlarında Rusiyada Perm Universitetinin 18 yaşlı tələbəsi Timur Bekmansurov universitet binasına daxil olaraq insanlara atəş açıb.
İlkin məlumata görə, atışma nəticəsində 8 nəfər həlak olub, 28 nəfər yaralanıb.
Bildirilir ki, T. Bekmansurov hüquq fakültəsinin birinci kurs tələbəsidir.
O, hüquq-mühafizə orqanlarının əməkdaşlarına müqavimət göstərərkən qolundan, qarnından və sinəsindən güllə yarası alıb. Ağır yaralandığı üçün əməliyyat olunub. Hazırda o, reanimasiya şöbəsindədir, vəziyyəti ağır olaraq qalır.
Qeyd edək ki, Timur Bekmansurov bu yaxınlarda sosial şəbəkələrdə hücum planı barədə ətraflı məlumat və silahı necə almasına dair paylaşım edib.
Rusiya KİV orqanları Timur Bekmansurovun universitetin həyətinə əlində travmatik silahla daxil olduğu anın görüntülərini yayıb.
