“Bloomberg” agentliyi dünyanın ən varlı ailələrinin reytinqini təqdim edib.
25 ailənin yer tutduğu siyahıda birinci yeri 238,2 milyard dollarlıq sərvəti ilə “Walmart” supermarketlər şəbəkəsinin sahibləri olan amerikalı Uolton ailəsi tutur. Uoltonlar son bir ildə 23 milyard dollar gəlir əldə edib.
İkinci yeri “Mars” şokalad şirkətinin sahibləri olan amerikalı Mars ailəsi tutur. Ailənin ümumi sərvəti 141.9 milyard dollardır.
Amerikada yerləşən “Koch Industries” sənaye şirkətinin sahibi olan Koç ailəsi siyahıda üçüncü yeri tutub. Onların sərvəti 124.4 milyard dollardır.
Fransada yerləşən “Hermes” moda evinin sahibləri olan eyniadlı ailə 116.6 milyard dollar sərvəti ilə siyahıda 4-cü yerdədir. Səudiyyə Ərəbistanının kral ailəsi isə 5-ci yerdədir. Ailənin ümumi sərvəti 100 milyard dollar yaxındır.
Siyahıdakı ailələrdən 10-u ABŞ, 4-ü Fransa, qalanları Almaniya, Belçika, Britaniya, Hindistan kimi ölkələrdəndir.