Böyük Britaniyanın kraliçası II Yelizavetanın dünyasını dəyişərkən xaos yaranmaması üçün xüsusi plan hazırlanıb. 95 yaşlı kaliçanın öləcəyi və dəfn ediləcəyi günlərlə bağlı bütün detallar hər incəliyinə qədər düşünülüb.
Bu barədə “Politico” nəşri məlumat dərc edib. Kraliçanın ölümü ilə bağlı hazırlanan plana İngiltərə hökuməti “London körpüsü” adı verib. Plan Londonda xaosun qarşısını almaq üçün hazırlanıb.
Məlumatda bildirilir ki, II Yelizavetanın ölüm tarixinə “D-Day” adı veriləcək, dəfninə qədər hər növbəti gün “D+1”, “D+2” və s. adlandırılacaq.
Kraliçanın ölümü xəbərini Bukingem sarayı hökumət nümayəndələrinə “London körpüsü dağıldı” kod ifadəsi ilə bildiriləcək. Xəbəri öyrənən ilk şəxs Baş nazir olacaq. Bundan sonra kral ailəsi kraliçanın ölümü ilə bağlı ictimaiyyət üçün rəsmi məlumat yayacaq.
Daha sonra yüksək vəzifəli məmurlara hökumətin mətbuat katibi tərəfindən elektron məktublar paylanacaq. Sonra bayraqlar endiriləcək. Kraliçanın dəfni ölümündən 10 gün sonra Vestminster abbatlığında keçiriləcək.
Daha sonra Müdafiə Nazirliyi salamlama nöqtələrində atəşfəşanlıq nümayişi hazırlayacaq. Ölkədə bir dəqiqəlik sükut elan olunacaq. Vətəndaşların kraliça ilə vidalaşması üçün ölümündən 6-9 gün ərzində onun nəşi Vestminster sarayına qoyulacaq. Ziyarətlərə gündə 23 saat icazə veriləcək.
Dəfn mərasimi zamanı ölkədə iki dəqiqəlik sükut elan ediləcək, London və Vindzorda yürüş olacaq. Vindzor qəsrində Müqəddəs Georgi kapellasında təntənəli mərasim keçiriləcək. Sonda kraliça VI Georq memorial kapalleasında dəfn ediləcək. Dəfn günü ölkədə “Ümumxalq hüzn günü” elan ediləcək.
.jpg)